14.06.2020 20:29

Sjávarsíðan

Allt að verða klárt:


Inni og úti:

28.05.2020 23:26

Framhliðin 28.maí 2020

                                                    Til baka á "Mávur.is"      
Andlitslyfting:

Fyrsti kaffitíminn á pallinum

Og Mola var boðið sæti við borðið.

20.05.2020 22:57

Pallgólfið

Hlé eftir vikuvinnu. Pallgólfið komið upp og rennan á framhliðinn klár.

Smiðurinn  með verkfæri um öxl.


Pallurinn bætir sjávarsýn. Gluggasæti gerast ekki flottari :-)


Útsýnið

16.05.2020 23:04

Upp á pallgólfið

Mikið gerðist í dag (eins og svo oft áður).  Rennan framan á húsinu var steypt í gær og fínpússuð í dag. Síðan var lokið við að setja grindina undir gólfpallinn og næstum allar gólfplöturnar komnar á. Útsýnið af efripalli er geggjað.





03.02.2020 23:03

2020

Enn er unnið af kappi við að endurbyggja salthúsið og gengur bara mjög vel. 

12.12.2019 23:34

Hurð frá Kína

Síðasta ferð fyrir jól var farin vestur mánudaginn 9. des. 2019. (Gott að setja ártal upp á seinni tíma spekulasjónir) Markmið ferðarinnar var að kíkja í kistu sem kom frá Kina. Í henni reyndist vera stærðarinnar rennihurð sem við byrjuðum að púsla saman. 
Þvi fylgja nú ævintýri að setja upp svona hurð og það var ekki að klárast í þessari ferð.


Við fengum góðan gest. Það var hann Gerhard König skúlptúr listamaður sem langar til að sýna útilistaverk hjá okkur næsta í sumar.

24.11.2019 23:23

Vatnið er komið

Enn mjakast verkið. í þessari ferð kom vatnið. Við höfum verið að bíða eftir vatnslögn í húsið en það er svo mikið að gera hjá pípurum á svæðinu að ekki hefur unnist tími til að vinna það verk. Við gripum því til þess bráðabirgðaúrræðis að leggja leiðslu úr Ártúni og út í hús til að geta haldið áfram með múrverkið.
Þá gat múrverkið haldið áfram og nú er rennan á norðurgaflinum að verða klár og búið að múra niður að gluggum á þeirri hlið.


18.09.2019 22:33

Strompurinn

Við drifum okkur vestur í gær þann 17. sept. Það var fínasta veður en spáin slæm. Það gekk eftir í dag hefur verið lemjandi rigning og vindur. Við hundblaut bara við að hlaupa milli húsa. Moli meira að segja 

 
hundblautur og hélt til í smyglstólnum. Við fundum þennan stól á víðavangi og þegar ég fór að laga eitthvað drasl sem hékk niður úr stólnum sá ég að undir setunni hefur greinilega eitthvað verið falið.

Árni að smíða stromp:


23.04.2019 21:49

Ellefti september 2019

Jæja komin tími til að skrifa smá pistil um húsbygginguna. Við höfum ekki ennþá fundið nafn á húsið. Ég kalla það helst "Nýja húsið" eða "Nýjasta húsið"  En allavega í dag 11. sept. 2019 komum við Árni og Moli á Hellissand með kerru og á henni ný og flott kamina. Kaminan þurfti að standa á þremur löppum á kerrunni alla leið úr Kópavogi og hingað vestur á Sand. Mér leist ekki vel á þetta ferðalag í byrjum en allt gekk að óskum og kaminan komst heilu og höldnu í hús. 
Það var fleira á kerrunni. Við tókum með úrvals bor sem getur borað 16 cm gat á stein. Og í stuttu máli var borað gat á vegg smiðjunnar til að setja reykrörið út og upp á þak. Þetta gekk eins og í sögu og í nú styttist í að hægt verði að kveikja upp.

25.11.2018 19:11

Járnið komið á þakið

Hér eru ekki slegin nein vindhögg. Árni og Moli fóru í sveitina á mánudaginn þann 19. nóvember. Þeir fóru með þakpappa, nagla, hefti og annað sem þarf til að koma pappa og járni á hús. Á þriðjudagskvöldið kom svo járnið með flutningabíl frá BB. Unnið var að hugmynda og undirbúningsvinnu og  Moli æfði boltafimi af krafti. Á miðvikudeginum var járnið borað og híft upp á þakið og pappinn settur á norðurhliðina sem veit að sjónum. Moli var ekki sáttur við að vera skilinn einn eftir, niðri á jörðinni og elti pabba sinn upp stigann alveg upp á þak. Ekki neinn venjulegur hundur hann Moli.  Mjög há hæð yfir landinu og logn sem ekki er hægt að stóla á á þessum tíma árs. Að vísu er ekki hægt að vinna nema frá kl. 10 til 17  hvern dag vegna birtunnar. Það er náttúrulega mesta skammdegið núna. Þeir voru bara þrír í þessu djobbi Árni, Moli og kranabíllinn. Á fimmtudaginn hífði Árni járnið upp á þak, mældi og hagræddi plötunum og festi lauslega á alla norðurhliðina. Á föstudagsmorgun kláraði hann síðan að negla alla þá hlið. Eftir hádegið á föstudeginum kom síðan Palli nágranni og aðstoðaði við að setja pappa á suðurhliðina og tilla járninu á. Laugardagurinn fór svo í að klára að negla og þá var ég komin til að kasta bolta fyrir Mola. Afrek ekki satt ?









10.11.2018 23:47

10. nóvember 2018

Í dag fór síðasta spýtan í þakið. Veðurspáin var ekki góð 17m á sek. en rættist ekki sem betur fer. Í dag var ágætis veður og unnið allan daginn. Klárað að loka þakinu og síðan farið í að færa stillansin niður fyrir húsið. Moli stóð sig vel og elti bolta allan daginn. 

29.10.2018 00:09

Ævintýrið heldur áfram

Dularfulla fótsporið. Hver á þetta spor ?



19.07.2018 23:13

Smiðjan

Ný hugmynd að nefna húsið "Verksmiðju" Tíminn æðir áfram og vinna við endurbyggingu á verksmiðjunni hefur gengið mjög vel. Klæðning komin á þakið nema 30 lengdarmetrar af timbri sem vantaði uppá að timburbuntið dygði. Búið útbúa og setja loftrör á milli sperra og steypa allt fast. Steypuvinnan var unnin 17. júli daginn fyrir 67 ára afmæli Árna. Við fengum tonn af steypu kl. 7 um kvöldið og það var búið að koma því fyrir á milli sperra báðu megin á húsinu rétt rúmlega 12 á miðnætti. Það var afrek og myndu ekki margir leika það eftir.



07.07.2018 22:39

Neglarar að sunnan

Dæturnar og börnin þeirra komu í vikudvöl. Ömmu- og afastelpurnar okkar eru að fara á námskeið í Hvítahúsi og mömmur þeirra og bræður dvelja hjá okkur á meðan. Síminn minn datt á planið fyrir framan verkstæðið og brotnaði. Ég fékk nýjan nánast strax en vandamálið er að þetta er "Eplasími" Ég á í vandræðum með að koma myndum úr honum og hingað inn á síðuna. Þetta hlýtur að reddast fljótlega en þangað til þarf ég að skrifa meira og setja inn færri myndir en ég er vön. Allavega þá fóru dætur okkar upp á þak og negldu heilan helling af klæðningu. Sennilega 14 - 18 högg á hvern nagla. Kraftakonur og ekki vitund lofthræddar. (myndir koma síðar.)



Yfirsmiðurinn er ekki heldur vitund lofthræddur og fimur eftir aldri

Systurnar vippuðu timburbunktinu inn í skemmu á mettíma


Þá er bara að koma þessu upp á þak og byrja að negla


Skeggrætt um framkvæmdir


Balavatnsgangan og tékkað á netinu

Frænkurnar mættar í Hvítahús 


Hugsi yfir stöðunni

30.06.2018 22:57

Loksins gott veður

Við Moli fórum í gönguferð og Árni nelgdi alla suðurhliðina 10 - 14 högg á hvern nagla og 10 til 11 kg af nöglum negldir í dag.